ملا خسرو حضرتللرنك حياتي و اثرلرى:
حنفى مذهبي فقه عالمى اولان ملا خسرو, فاتح دورينيك اك مشهور مفتىلريندن و اوجونجي عثمانلي شيخ الاسلاميدر. اصل اسمي "محمد بن فراموز بن على خسرو" در. قيصاجه "ملا خسرو" دييه طانينمشدر. سيواس و طوقات اراسنداكه "قارغين" كويونده دنيايه كلمشدر. طوغوم تاريخى بيلينمه مكته در.
ملا خسرو فاتحك باباسى ايكينجي سلطان مراد دورندن اعتبارًأ فضيلت و اولغونليغى ايله تمايز ايده رك حيدر هروى حضرتلرندن و زمانك ديكر عالملرندن درس كورموشدر. بو صورتله تحصيليني تماملادقدن صوكره كنديسينه اديرنه ده شاه ملك مدرسه سي ويريلمشدر. بو صيراده قارده شى ده يينه اديرنه ده جلبى مدرسه سينيك مدرسى ايدى. قاردشينيك وفاتندن صوكره بو مدرسه ده ملا خسروه ويريلدى. ملا خسرو وارنا صاواشندن اونجه (هجري ٨۳۲، ميلادي ۱٤۲۹ ) قاضىعسكر تعيين ايديلدى. او تاريخدن اعتبارًا عثمانلي اورطوسونك شرعي ايشلري ملا خسرو طرافندن يوروتولمشدر. وارنا صاواشي ملا خسروك مسلكي حياتنه جوق تأثير ايتمشدر. ايكنجي مرادك عزلته جكيلمه سي ازرينه ايكينجي سلطان محمد خان ده، ملا خسروي مأموريتنده بولوندردي. كنج بادشاه ايله ملا خسرو آراسنده صميمي بر باغليلق حاصل اولدي. فاتح سلطان محمد خان بو محترم عالمدن جوق علم تحصيل ايتدي. وارنا صاواشندن اونجه ايكينجي سلطان محمد سلطنتي باباسينه بيراقارق مانيسه(مرنيسه) يي تشريف ايتديكي زمان ملا خسرو ايله مانيسه (مرنيسه) ده برابر قالديلر. فاتحك ايكينجي جلوسينده بو صداقتينك مكافاتيني كوردي. استانبولك فتحي ، فاتحك اقبال دوري ملا خسروك دكريني يوكسلتدي. استانبولك ايلك باش قاضيسي حِضِرْ بَكْ وفات ايتديكدن صوكره ، ملا خسرو استانبول قاضيليكينه تعيين ايديلدي.( هجري ٨٦۳) . دها صوكره غالاتا و اسكدار قاضيلقلري ايله آياصوفيا مدرسه سي ده ملا خسروه ويريلدي. فاتح سلطان محمد ، ملا خسروه صوك درجه التفات ايدر، ملا خسروده بو التفاتدن افتخار دوياردي. فاتح ، ملا خسروي هر زمان جوق تقدير ايدردي. ملا خسرودن بحث ايدركن ( زمانك ابو حنيفه سيدر) ديو ملا خسرو حقنده توجه و صايغيسيني اظهار ايدردي. ملا خسروده حاكمانه طورلري و ديندارانه طوطوملريله كرك بادشاهك كركسه خلقك سوكيسيني قازانيردي .ملا خسرو مدرسه يه درسه كيده جه كينده, خلق اوينيك اونونده طوبلانير, اونى بويوك بر صايغي, ادب و حرمت ايجه ريسينده مدرسه يه قدر كوتوروردى. قوناغينده بر جوق خدمتجيسي اولديغي حالده بونلرك هج بيرينى كندى حدمتنده قوللانماز, اوداسيني كندي سوبورر, مومونى دخي كنديسي ياقردي. مدرسلك, قاضيلك و شيخ الاسلاملق كبي عالي وظيفه لرده بولونان ملا خسروك فتوى مدتى ۲۰ ييلدن فضله در. استانبولده هجرى۸۸٥ ,ميلادى۱٤٨۰ ييلينده وفات ايدن ملا خسرو حضرتلرينيك نمازي فاتح جامعنده قيلندقدن صوكره بورسه ده كى كندى مدرسه سينيك آولىسينه دفن ايديلمشدر. بورسه ده بر مدرسه يابدرمش اولان ملا خسرو استانبولده كندى آدينه بر جامع يابدرمشدر. صوكره لري شهرت قازانان بر جوق طلبه يتيشترمش اولان ملا خسرو, دكرلي بر فقه عالمي اولديغي كيبي, بر شاعر اولارقده طانينمشدر. هر زمان مراجعت ايديله جك بر اثر اولان, "دررالحكام في شرح غررالاحكام" فقهه دائردر. وجمله ترك-اسلام مدرسه لرينده درس كتابي اولارق اوقوطولمشدر. بو اثر آلتي سنه ده قلمه آلنمشدر ( هجري ٨٧٧-٨٨۳ ) . ملا خسرو حضرتلرينك سلطان فاتحه هديه ايتديكي ال يازماسي درر، حالا استانبول كوبريلي كتبحانه سنده در. اثرلري حقنده دها ككيش معلومات ايجون كشف الظنونه باقيلابيلر. كنديندن اونجه كه عالملرك كتابلريندن هر كون ايكي صحيفه يازمه يي اهمال ايتمه ين ملا خسرو حضرتلرينده بيتمك توكنمك بيلمه ين بر عزم و او نسبتده ده بر غيرت واردي.
اثرلري:
۱-شرح المفتاح
۲-شرح التلويح
۳-شرح اصول البزدوي
٤-حاشية اوائل تفسيرالقاضي البيضاوي
٥-فقه علمندن متن و شرح ( درر الحكام في شرح غرر الاحكام )
٦-اصول فقهدن عيني شكلده متن و شرح ( مرقات و مرآت )
٧-نقيدالافكار في ردالانظار ٨-تفسيرالانعام
۹ -شرح تلخيص المفتاح للقزويني